t Evengelie volgens Marcus 03
13 Hai ging bie baarg omhoog en raip bie zok wèl of e wol. Zai kwammen bie hom.
14 Hai stelde der twaalf aan. Dij mozzen bie hom blieven. "Ik zel joe der op oetsturen," zee e, "om bliede bosschop te verkundegen,
15 mit macht om onnure gaisten oet te drieven."
16 Hai stelde dizze twaalf aan: Simon, dij e bienoam Petrus gaf,
17 Zebedeüs zien zeun Jakobus en dij zien bruier Johannes. Dij gaf e bienoam Boänerges, dat betaikent zoveul as "Dunderkerels".
18 Wieder nog: Andreas en Filippus, Bartolomeüs en Matteüs, Tomas, Jakobus, zeun van Alfeüs, Taddeüs, Simon de Verzetsman,
19 en Judas Iskariot, man dij hom overleverd het.
|